Ka seiñ Trained Psychotherapeutic Professionals of Meghalaya (TPPM) ha ka 02-06-21 da phah ko dei thoh lyngba ka Email ya ki thup phang kylli (Questionnaire) cha u Deputy Chief Minister uwa pait leh ya ka Labour Department yow paan yutip yei hoh ki bru wakreh namo ki Workers Rights ha Meghalaya wei kammon wow leh yow yoh ya kini ki hok.
Ya kini ki Questionnaire leh da phah cha ka Labour Commissioner heiwa waroh ar ym pu em jubab ki ya ini hadooh katni hadien chi bnai.
Ka TPPM da ong ko wa da paan yutip hajrong ki phang wa yatoh wa ki wakreh neibhah man ki iwa emkaam bha khamtam ha kini ki por, wei wa kwah ki leh wow yarap wei ym toh wow beiñ lane wow pyrchah ya ka sorkar tangwa yoosar wa lada ym pynman dei yakhih lane deiwa leh dei bor kopsar ym yoh jubab.
Ka seiñ da ong ko leh wa kwah ko wow sñiawthooh yow ye u yarap khamtam ya kitu kiwa em hakhmat dooh (Front Line Worker) wow yaleh pyrchah ya ka khlam neibhah kamwa man kattæ ym che iyi i hok ki wakreh kam ki Front Line Worker wei kammon wow leh lada chah ktah i hok yong ki wei cheiwon u ujor ki.
Kamtæ ka seiñ da ong ko wa daw phah biang ya kini ki Questionnaire kiwa suk bha u jubab wei da yooluti leh wa daw yoh yei jubab na ka sorkar.
Iwa da kylli ka TPPM toh wa lada toh ka Labour Department kawa pait yei hok ki wakreh, lada ka chnat jooh lai pait ko ya ki thaw kreh, kammon da su bai kreh, hadooh ki thaw sumaar, wa i bai sumaar ki wakreh wei cheiwon u ujor lada ym yoh yei hok wa kiwi kiwi de.
