Kiwa dang yoh COVID-19 ha India da neh ki hapoh 50,000 ngut la 10 sngi, kiwa dang chait leh da boon ki ya kiwa dang yoh ka 55 sngi wei i e tika hapoh ka ri leh da tam i 36 klur sien.
Ha kini ki 24 kynta kiwa dang yoh da em ki 43,733 ngut, kiwa dang chait da em ki 47,240 ngut, kiwa yap 930 ngut iwa mut wa kiwa dang em ya uni u khñiang da hiar ki da 4,437 ngut.
Ha kini ki 24 kynta da em 8 tylli ki jylla wa boon da kiwa dang yoh ya kiwa chait kitæ toh ka Andaman & Nicobar Islands (01), Arunachal Pradesh (55), Assam (654), Dadra and Nagar Haveli and Daman and Diu (04), Goa (23), Kerala (3480), Manipur (257) wa ha Sikkim (25).
Ki jylla wa boon dooh kiwa dang chah ktah toh ka Maharashtra (1,17,536), Kerala (1,04,577), Karnataka (40,039), Tamil Nadu (34,477), Andhra Pradesh (33,230), Odisha (25,525), Assam (24,344) West Bengal (17,275) wa ha Telangana (11,455).
Ynnin ka sngi da leh 19,07,216 tylli ki Test heiwa kiwa chah ktah da em ki 2.29% kawa tip leh kam ka Positivity Rate kawa da neh hapoh 3% la 16 sngi.
Heiyatoh wa i e tika hapoh ka ri, da dep wow e la 36,13,23,548 sien heiwa ynnin ka sngi da e 36,05,998 sien.
Waroh kiwa da chait da em ki 97.18% kiwa em 2,97,99,534 ngut, kiwa dang chah ktah da em ki 1.50% kiwa em 4,59,920 ngut, kiwa yap 1.32% kiwa em 4,04,211 ngut, deilang dapoi 3,06,63,665 ngut kiwa da dep yoh ya uni u khñiang hapoh ka ri.
