Ynne ka sngi, ka Khasi Students Union-Jowai Unit hadien wa yoh ujor ko na kawi ka khynnah kawa kreh ha ka Petrol Pump kawa em ha Newhill Jowai, wa da chah jrongkti wei leh khlemakor ha uwi u Manager ya ka, neiliang ka seiñ da lai ko wut wut cha kani ka thaw wow takit yeiwa jia.
Hadien wa takit da chem wa uni u Manager uwa man u baar jylla hajrong wa jrongkti u ya kani ka khynnah kawa kreh ha ini i thaw, da leh khlemakor u leh ya kiwi tawon ki kynthai kiwa da mih noh na ini i thaw.
Neiliang ka seiñ da pynchitom ko ya oo wei da phah mih ka oo na jylla pyn ha kani ka sngi deiwa maham leh ya kiwi tawon wa ymtoh u leh khlemakpr ki ya ki manbei wa ki kynthai na ka thaaiñ wei ki kynthai leh toh u mih ki chaphrang wow ujor cha ka seiñ khnang wow ye ko u leh yeiwa emkaam.
U President ka KSU Jowai Unit u Ewanmi Phawa da ong u wa i daw wa jia kamni i chah chim kabu ki toh wa ki kynthai ym mih ki chaphrang wow ujor cha ka seiñ wei ini da pynchlur i ya ki baar jylla wow leh ki katwa ngait.
