Ym pynhiar ya u James kam u Montri ka chnat Bordiñ: Conrad

U Montri Rangbah ka jylla, u Conrad K. Sangma da ong u wa u Montri ka chnat Bordiñ, u James K. Sangma ym chah pynhiar chuki u kamwa da dawa da ka liang pyrchah ka Congress.

U Conrad da ong u wa ini i dawa ka Congress toh yow pynthut yei takit wa laitlooid da ka Enquiry Committee.

“Ka Enquiry Committee toh kawa da khlieh da u Judge wa da chong ngiah wei ini i dawa toh wow pynthut wei wow tuklar yei krehkaam ka Committee wa da dep thung. Kamtæ ka Committee toh u chah wow krehkaam ko wei wow phah ko ya ka bui (Report) yong ka,” da ong u Conrad.

Da ong u leh wa ka Committee toh kawa laitlooid wei ka MeECL leh kawa synchaar pyn daka ya ka hi kamtæ ym em i pynthut yei krehkaam yong ka.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

“Ka MeECL man ko kawa krehkaam deiwa em ko i yong ka hi i bor kamtæ ym emkaam wow kyrriah ya u Montri ka chnat Bordiñ ha kini ki por. I da klam che i wa ya kani ka takit wa laitlooid da booh dei por yow pyndep iwa hapoh 3 bnai,” da ong u Montri Rangbah.

Kam wow pynkynmoo wa ka sorkar da thung ko ya ki 3 ngut ki dkhot wa khlieh da u Retired Allahabad High Court Judge u Ifaqat Ali Khan, u Manjoh Kumar, Retd. IAS kam u Administrative Member wa u Sunil Kumar, Retd. Executive Director, REC kam u Technical Member.