U President ka National People’s Party- Jowai Block, u Darilang Lamare wa ki dkhot ka NPP Jowai Block da e khublei kyrpang ki ya u MLA ka 2-Jowai Constituency, u Wailadmiki Shylla hadien wa e yarap u na ka Scheme Special Rural Works Program (SWRP) cha ki 800 tylli ki manyung wa chah ktah ha u slap wa ka la’ær ha u snem wa dadep.
Lyngba kani ka Scheme wa da yoh ki na u MLA da yarap ko chiboon ya ki manyung, da ong ka seiñ.
Chooh chooh da ong ko wa i e ya 4 tylli ki Ambulance iwa man i kyrkhu wa khroo tam ya ka Constituency neibhah wa kini ki kari daw ye ki wow chakri yei emkaam ki paidbah kiwa chong chong waroh kawi ha ki por wa emkaam Ambulance.
Neiliang u President ka Jowai Block ka Party da kitbok u ya u Wailadmiki Shylla hajrong ini i e yarap u cha ki paidbah ka Constituency.
Kani toh katkam ka Wyrta na u Darilang Lamare, President, NPP Jowai Block.
