Kiwa da yoh tika ha Meghalaya la arsien (2nd Dose) da tam ki 1 lak ngut (1,00,428) hadien wa e tika 12,827 sien ynne ka 12 tarik.
Na kiwa dang yoh tika ynne, da em ki HCW (116), ki FLW (134), kiwa 18 snem chaneiñ (8632) wa kiwa em 45 snem chaneiñ (3945).
Kiwa da yoh tika chisien da em ki 7,22,976 ngut.
Katkam ka yukheiñ ka sorkar da booh thong wow e tika ya ki 20,25,583 ngut heiwa hadooh ynne da ye wow e 8,23,404 (wa kynthup ya kiwa yoh chisien wa kiwa yoh arsien).
Deiwa kheiñ ya kiwa da yoh tika la arsien da em ki 4.95% donhi hapoh ka jylla katwa kiwa da yoh chisien da em ki 35.69%.
Kiwa boon dooh kiwa da yoh tika chisien toh ha East Khasi Hills kiwa em 2,42,777 ngut iwa pynbood sa ka West Garo Hills 1,42,166 ngut kiwa man leh ki ar District wa da tam 1 lak ngut kiwa da dep yoh tika chisien.
Kiwa duna dooh kiwa da dep yoh tika chisien toh ha South Garo Hills kiwa em 21,598 ngut iwa pynbood sa ka South West Khasi Hills 22,498 ngut.
Ha Ri-loom Jaiñtia, ha West Jaiñtia kiwa da yoh tika chisien da em ki 53,842 ngut katwa ha East Jaiñtia Hills da em ki 32,907 ngut.
Deiwa kheiñ won da ka Percentage, kiwa boon dooh kiwa da yoh tika toh ha South West Garo Hills 47.85% iwa pynbood sa ka East Khasi Hills 43%.
