Ki Montri Rangbah ka Meghalaya, Nagaland waka Assam da pynsñiaw ki yei sñiawngooh ya u Amit Shah u Montri ki Kaam Pohyung ka ri yeiwa phah u wow takit da ka CBI yei yap ki arngut ki kitæ u Samuel Sangma wa ka Rose Sangma ha Gurgram, Haryana wa ha New Delhi. Kini ki arngut toh kiwa na ka jylla Nagaland.
Kam wow pynkynmoo wa ka Rose da khlaad ko ha ka 24-06-21 ha Alfaa Hospital wa em ha Basai, Gurugram, Haryana katwa u Samuel Sangma da khlaad u deiwa suba wa pasi u ya idæ ha kamra wa sah u ha New Delhi.
I Video wa riñ u Samuel hapoh ka thaw sumaar wa pynyoo yeiwa chitom ka Rose hadien wa e ki wakreh ka Hospital wow baam Ice Cream ko heiwa hadien ini yap wot ko, wei da em ki bynta wa pynyoo wa dat u Doctor ya u Samuel hawa dang riñ Video u hapoh kani ka thaw sumaar da pynpoor ya ki Social Media iwa da wanrah i dawa wow pynman yei takit hajrong ini iwa jia.
Da suba leh wa da khlaad ka Rose nei leh khalær kani ka Hospital wei da em leh iyi re iyi cha lyndet heiyatoh wa i yap won u Samuel.
Neiliang u lat ka jylla Meghalaya leh da dep thoh u cha u Amit Shah wow pynman dei takit hajrong ini kamjooh ka Agatha Sangma wa u Mukul Sangma leh da dawa ki ya i jooh.
