Hadien wa ka seiñ KSU Wapung Unit wa ka MPUF Wapung Unit da khang ko ya kawi ka dukan dai khoo wa em ha Moowakhu, Dkhiah West, East Jaiñtia Hills kawa tip kam ka M/S TS Star neidaw wa da suba wa u khoo wa em ha kani ka kudam toh u khoo Plastic heiwa neiliang ka seiñ leh da ujor ko cha u DC ka District.
Neiliang u Food Safety Officer u NA Lyngwi da wan chim nongmuna (Sample) u ya uni u khoo yow phah Test ya oo cha Guwahati neidaw wym em ki thaw Test hapoh ka jylla heiwa ya ka bui (Report) daw yoh hadien 3 tayaw.
Kam wow pynkynmoo wa ya uni u khoo da yoh wow kem ha ka tayaw wa da dep hadien wa ki ar seiñ da yoh ujor ki na ki paidbah wa em kiwa dai ya u khoo Plastic heiwa u tre dukan da khana u wa ya uni u khoo da dep phah cha ka chnong Lumshnong, Jalaphet, Pyrdung wa cha kiwi kiwi ki chnong wei ya uni u khoo da wanrah na Guwahati.
