Ha u Amit Shah u pynsñiaw ka UDP ya ka ILP, ka ktien Khasi wa u pood waka Assam

Ka United Democraticc Party (UDP) da pynkhreh ko wow yaklam wa u montri ki kaam pohyung ka sorkar India u Amit Shah ya ki phang wa yatoh wa ka jylla lada wan u cha Nongbah Shillong ha ka 24 tarik uni u bnai.

Ynne ka sngi u heh ka UDP uwa man leh u montri ki kaam pohyung ka jylla, u Lahkmen Rymbui da ong u wa ka phang wa nyngkong dooh wow rah ha u Amit Shah toh ka aiñ yada ya ka jylla næ wow pynkrehkaam ya ka ILP.

Kiwi won ki phang toh wow pynpsiah ya ka ktien Khasi hapoh ka Eight Schedule ka riti synchaar ka ri, i pynkylla ya ka Sixth Schedule wa kiwi kiwi kamjooh leh wa ka jylla Meghalaya emkaam ko ya kawi ka Meghalaya Cadre næ wow man bait du hapoh ka jylla heiyatoh wa ki kaam hanla em i tam i duna heini heitai, wow pynbait noh ya u pood wa ka Assam heiwa ka sorkar India emkaam ko wow chimkhia.

U Lahkmen da ong u leh wa ka UDP daw chim ko ya ka kabu wow kyrpaad ya u montri wow ap ya i sur wa i emkaam ka jylla.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025