Hadien wa wan ar sien ka la’ær COVID-19, neiliang ki bor sorkar nadooh ka sorkar pyrdi, sorkar jylla wa ki bor District da booh ki ya ki kyndon wow yada na i poor kani ka khlam.
Hawa yaklam wa u SP ka West Jaiñtia Hills, u Bikram D. Marak da pyntip u wa hapoh ka District nadooh u Naisan yong uni u snem hadooh u Naiynru kiwa tyngkheiñ ya ki kyndon ka sorkar pyrdi ya kawa da tip leh kam ka National Directive on COVID-19 Management, ki pulit da daiñ kuna ki hadooh T. 1,39,000 na ki bru.
Chooh chooh da pyntip u wa kiwa tyngkheiñ ya ki kyndon Lockdown ha kini ki jooh ki bnai da ujor (Register Case) hadooh 20 tylli ki Case wei da daiñ kuna hadooh T. 17,500.
Iwa mut wa waroh ka kuna wa da daiñ hapoh ini i por man ko T. 1,56,500.
