Ka FKJGP Jaiñtia Hills da kynmoo warom ko ya ka lyngkhooh sngi yap kawa 186 snem u Tirot Sing Syiem u khlawait kari, uwa da yakhun wow yoh yei laitlooid nei shynchaar embor ki dohlieh wei uwa da ekti dei mynsien neibynta ka Bri u Ynñiawtrep.
Kamtæ ynnin ka sngi ka 17 tarik, ka seiñ da pynman ko ya ka kynmoo warom ko ya kani ka sngi u Tirot Sing Syiem ha kiwa boon ki bynta ha Ri-loom Jaiñtia kam i dak wow pynyoo yei burom ya uni u khlawait ka ri uwa da e lut neibynta ka bri u Ynñiawtrep Ynñiawskum.
Neiliang ka seiñ da lai wah ko da ki Banner kiwa da em yei thoh wow kynmoo warom ya uni u Syiem ka Hima Nongkhlaw, pynkut ka kyrwoh u Chief Organising Secretary, FKJGP JH Zone.
