Uwa e ktien ka Congress kamjooh u MLA ka Rangsakona, u Zenith M. Sangma da ong u ynne ka sngi wa ym em yaknieh wow man President ka Meghalaya Pradesh Congress Committee (MPCC).
“Ini chong ko ha ki heh ka Party wa President ka AICC wow rai wa uwon u bru wa man uwa biang wow man kam u President ka MPCC,” da ong u Zenith Sangma.
Da ong u leh wa ka Congress em ko yei rukom jied wa biang wei oo ym toh uwa da e bor wow klam hajrong i kaam u President u MPCC.
“I kyrdan President toh iwa em haneiñ ya ka kyrdan wa ksoh oo kattæ. Ha i thaw wa ka rynsan wa biang daw yaklam hajrong ini,”da ong chooh chooh u.
Da em ki dak wa u Speaker warim u Charles Pyngrope, ka Ampareen Lyngdoh, MLA wa u Vincent Pala, MP da kwah ki wow yahkhmat ya ka Party.
Da em leh rap nachwa wa da ong wa uwa yahkhmat ka Congress Legislature Party leader, u Dr. Mukul Sangma da pyrchang u wow pachat yei pyrtuid u diah yong oo u Zenith Sangma kam u heh ka MPCC.
