Ka seiñ HYC-East Jaiñtia Circle da pynsñiaw ko yei sñiawsih wei sñiawdiaw yei chim noh ki bru wa jrah snam yei mynsien yong kawi ka khyllood kawa na ka chnong Shilliang Umshong, EJH kawa da wiar ha ka 21-07-2021 wei da chem yei metyap yong ka won haka 22-07-21.
Ka seiñ da ong ko wa ini ym toh de i sien wa nyngkong tangwa iwa jia ma jia na i por cha i por khamtam ya ki kynthai. Wei kam ini i jia da pynhær rngu sakhiat ko ya ka jaitbru yong i wei da pyntieñ ko leh ya ki khon kynthai yong i.
Neiliang ka seiñ HYC da phah ko ya ka khubor sñiawlem cha kiwa ha yung ha sem yong kawa khlaad deilang wa i duwai Blai yow pyntngen yei mynsien wa u dohnood u yong ki wow ya emlang wa ki chi yanom.
Da beiñ joor leh ya kam kini ki bru kwah snam ki wym kheiñ de yei mynsien bru.
Ha i jooh i por leh da dawa joor na ki bor yong ka aiñ wym toh u e li ya kam kini ki bru wei wow thooh ya ki wei wow pynchitom smat ya kam kini ki bru.
