Ka Khliehriat Assembly Youth Congress Committee, ka chnat krehkaam yong ka Party Congress, ynnin ka sngi da phah ko cha ka sorkar jylla wow kyrpaad wow e yarap cha ki warep yong ka jylla ha kam ini i por wa em kani ka khlam COVID-19 wa i khangsbak ha ka jylla.
Ka Committee da ong ko wa da chah ktah bha ki warep ha kam ini i por wei da man ko leh i dooh nong wa khroo ya ki wa ya ki paidbah, najrong wa ki mar ki mata yong ki leh man ki ki wym neh slem neibhah wa man ki ki mar kiwa smat bha wow pyut ym toh kam kiwi won ki mar ki mata.
Neitæ i daw kam ka Party da phah cha ka sorkar jylla wow thooh ki laad ki luti wow e yarap cha ki warep yong ka jylla.
Ka kyrwoh wa da phah da u President ka Khliehriat Assembly Youth Congress Committee u Chrispin N. Dkhar deilang wa ki dkhot.
