Ki paaid chong chnong ka Namdong-B da mih ki wow pynkhooid ya ki kyntoit chnong wei kamjooh ha chi lynter yong u sarok JNKK Road uwa haap ha ki bynta yong ka chnong.
Neiliang u waheh chnong u DS War da e khublei u ya ki paidbah ka chnong kiwa smat wow mih chakhmat wow e yei chakri cha ka chnong, deiwa ong wa yow yoh yei doh i pran wa chait wa khiah toh lyngba ka dawai bah katæ toh i lehkhooid, da kyntu u leh ya ki bor yong ka PWD wow phah ya ki wakreh wa toh u chimkhia ya i kaam kamwa da pynkit ha ki, ha i jooh i por da ong wa kiwa lai wa wan toh u burom ki yei pynlai ka Dorbar Chnong yow ye u yakhun pyrchah yei eh, i leh jakhlia hapoh chnong wa khamtam ym toh wow noh kat cha wa yoh yei jhep.
Ha ka jooh ka sngi, neiliang kiwa yahkhmat ka VDP Chnong Namdong-B, da e sñiawbha ki da ki Dustbin cha ka Dorbar Chnong wei da kyntu ya ki khon yong ka chnong wa ya kiwa lai wa wan wow pynemkaam hok ya ki wei wow lehkhooid hapoh chnong hapoh thaw.
