U Secretary ka Board of Control for Cricket in India (BCCI), u Jay Shah da pynbna u ya ka song poisa cha kiwa yoh takma ha ka Olympics ya ka India.
Da pyntip u wa ya u Neeraj Chopra, uwa yoh ya ka takma ksiar ynnin ha ka Javelin Throw daw yoh u T. 1 Klur na ka Board, mar T. 50 Lak cha kiwa yoh ya ka takma rupa, kitæ ka Mirabai Chanu ha ka Weightlifting wa u Ravi Kumar Dahiya ha ka Wrestling.
Katwa T. 25 Lak samen cha kiwa yoh takma tama, kitæ u Bajrang Punia ha ka Wrestling, ka Lovlina Borgohain ha ka Boxing wa ka PV Sindhu ha ka Badminton.
Chooh chooh da pyntip u wa ya ka dhab yalehke Hockey ka ri kawa da yoh takma tama daw yoh ko T. 1.25 klur na ka BCCI hadien wa pynrem ko ya ka Germany 5-4 wow yoh ya ka takma tama.
