Ynne ka sngi hadien kamwa duna chi tayaw nawa phah khang ya ki yaw ha Jowai da u DC neidaw wa boon kiwa yoh COVID-19, ynne ka sngi da sakhi wa kini ki yaw da man ki kiwa da wai biang.
Neiliang ki bor District ka West Jaiñtia Hills da chah ko wow wai 50% ki dukan ha lawmusiang, CNI Market, lawchyiap (JPC Market), law Seinraij wa lawthymme, Ladthalaboh, Jowai deiwa bood ya ka Odd Even wa i pynlai ki Market Committee.
Da phah leh ya ki dukan wow wai ki nadooh ka 9.00 i step hadooh 4.00 i janmiet.
Heijooh i por ki Market Committee da phah ya ki wow pyntikna ki wa da bood ki dukan ya ki kyndon wow yada nei poor u khñiang khlam COVID-19.
