Ka seiñ HYC Jaiñtia Hills District da dap ko dei sñiawkhia hajrong i wym sñiawthooh yumut ki 6 Dorbar Chnong wa ka Synjuk Waheh Chong Jowai heiyatoh wa i thaw noh-jhep ka Jowai Municipal Board ha Mynkjai.
Neiliang ka seiñ da ong ko wa kam ini toh u em i phyllu yumut wei i yaklam yillu wow lait na iwon iwon i sñiawsih.
Da kyntu ko ya ki ar Synjuk Waheh Chong wow yachem wei wow yaklam hajrong ini i kaam kam kiwa da heh wa da yaar i thij i pyrkhat.
Neiliang ka seiñ da kyntu ko leh ya u DC ka West Jaiñtia Hills wa ya u CEM ka JHADC wow man kam ki ksiang wow khut yaklam ya ki ar liang wow pynbait noh ya ini i kaam.
