Kam chibynta ka lehkmen ya ka lyngkhooh snem yoh laitlooid wa 75 ka ri India namo ka Independence Day 2021 (Azadi Ka Amrit Mahotsav), neiliang u District Sports Officer ka West Jaiñtia Hills District da pynman u ya ka Cyclothon ynne ka sngi.
Ha kani ka Cyclothon kawa da sdang na Kiang Nangbah Stadium wei da pynkut ha u Mot Kiang Nangbah wa em ha Syntu Ksiar, Jowai da wan wow chimbynta da kamwa 30 ngut.
Kam wow pynkynmoo wa kani ka Cyclothon ym toh ka yakob yow jop tangwa kawa da leh kam chibynta wow kynmoo warom ya ki khlawait ka ri.
Ha chwa wow kaweh lama ya kani ka Cyclothon da em i klam na u K. Passah, DSO wei hawa pynkut da yoh ya ki kyntien e khublei na u P. Lamare, Vice President ka WJDSA kamjooh na u DSO.
Ya kiwa chimbynta da e da ki Certificate of Participation.
