Ynne u montri rangbah ka jylla, u Conrad Sangma wa u symbood montri rangbah ka jylla, u Prestone Tynsong da yachem ki u ya u MDC ka Mawlai, u T. Pathaw wa ki 9 Rangbah Shnong ka Mawlai wow yaklam hajrong ki kaam wa yatoh wa ka Mawlai heiwa da yaklam hajrong iwa jia ha ka 13 tarik (wa chah siat u Cheristerfield Thangkhiew) heiwa da da kular wow thung ya ka Judicial Inquiry wa laitlooid hajrong ini i kaam.
Da yaklam hajrong ka CRPF Camp kawa chipor tangwa da neh ko da slem bha ha Mawlai Nongkwar Bloack A, ha i thaw yong ka chnat Art & Culture Department, heiwa ki Rangbah Shnong da e dorkhat ki ha u Conrad wei neiliang yong oo da yaklam u wa ki heh ka chnat CRPF, heiwa da ong ki wa smat ki wow kyrriah lada yoh ki da iwi i thaw iwa man paka wei pura.
Heiwa neiliang u Conrad wa u Prestone da kular ki wow sdang kyrriah noh ya kani ka Camp na ini i thaw cha i thaw wa pura.
Neiliang u Conrad da kyntu u leh ya ki Rangbah Shnong wa u MDC wow embynta ki wow wanrah biang ya i chongsuk ha Mawlai wa ha Shillong yeiwa neiliang yong ki daw chimkhia ki hajrong ini.
U Conrad da ong u wa hadien kani ka yalang daw ye u pynbait ya i kaam waroh heiwa da pyrkhat wow pynkylla noh ya ka Camp kam ka Youth Centre (wow esikai ya ki khynroo khyllood) ka thaaiñ Mawlai.
