Ka seiñ HITO da thoh ko cha u Montri Rangbah ka jylla ynne ka sngi wow ong wa i phah da ki chipai (Paramilitary Forces) toh iwa daw wanrah yei sih bar yei bha ha kam ini i por deiwa kyrpaad leh wow pyndam noh ya ka Curfew kawa da pynkrehkaam.
Da ong wa ini i pynkrehkaam syndet syndet ya ka Curfew hapoh ka nongbah ka jylla da ktah ko ya ki warep neidaw wa da sah ki mar yong ki da ki spah ton kiwa em ha kiwa boon ki depot ha kylleiñ ka jylla iwa da wanrah yei dooh nong wa joor najrong wa da em chwa ka khlam.
Kamtæ da ong wa kani ka Curfew toh kawa ym emkaam iwa pynyoo leh wa ym em chimkhia kiwa em hei bor wow pynlai ryntih ya ka synchaar khadar.
Hajrong ini, ka seiñ da dawa ko wow pyndam smat ya ka Curfew ha sor Shillong wa ki thaw wa em ha khapsor deiwa pyrkhat ya ki warep ki pli kiwa da chitom chwa.
Kamjooh da kyrpaad wym toh u phah chooh chooh ya ki chipai hapoh ka District iwa daw man kamwa pynkyr’ooh chooh chooh yei diñ.
