U MLA ka Mawlai u PT Sawkmie, da pyntip u wa ynne ka sngi da yoh yutip u na uwi na ki Waheh Chnong ka Mawlai wa da rai ki wow lai yachem waka sorkar heiwa da pyntip u wa daw ksoh hi ya ka rai wa da chim ynnin ka sngi wym chimbynta ha ka Peace Committee katwa ka sorkar ym pdiang ko yeiwa da dawa ki.
Kini ki dawa toh yow thung da ka Judicial Inquiry hajrong i chah siat yap u GS warim ka HNLC, yow pyndam kreh chipor ya ki pulit wa emkti wow tynyap ya u Cherishsterfield Nongkhlaw wa kiwi de wa ka sorkar da pait ko.
Kam wow pynkynmoo wa neiliang u Montri Rangbah ka jylla da pyntip u ynne hadien ka yalang wa ki Waheh Chnong ka Mawlai deilang wa ki seiñbhalang wa ya ka Judicial Inquiry daw khleh da u Chairperson ka Meghalaya Human Rights, u Justice Vaiphei katwa heiyatoh won wa i pyndam kreh ya ki pulit, da ong u wa ym pu ye wow leh kat wym pu pyndep ya ka takit da ka Commission.
Kiwi de ki dawa kam wow kyrriah noh ya ka CRPF Camp wa em ha Mawlai toh kawa da lai chakhmat wei ya ka Curfew leh da sdang pyndam katwa ya ka Mobile Internet leh da dep wow wai biang ya ka.
