Ka sorkar Meghalaya lyngba ka chnat Home (Political) Department da pynmih hukum ko heiyatoh wa ka Containment Measure namo ki kyndon heiyatoh wow kdoh u khoom yei poor ka khlam COVID-19 deiwa ong wa dang joor hi yabi uni u khñiang khamtam ha ki thaw wa em cha palatsor.
Kini ki kyndon kiwa dang pynmih toh kiwa daw krehkaam nadooh ka 23 tarik uni u Naisaphra hadooh wa pynmih hukum da kamw kiwa man kamni ha wah:
Da e bor ya ki DC/SDO (Civil) wow booh ki jar jiar ki kyndon Containment Measures ha ki District/Sub-Division wa pait ki iwa chong katkam i emkaam. Ki District wa em da iwa heh ka Positivity Rate toh u booh da ki kyndon wa khor yow kdoh u khoom yei poor ka khlam.
Ym pu chah wow pynman ya kiwon kiwon ki yalang paidbah wa kyntup ya ki Conference wa ki e sikai (Training).
Ym chah yei psiah kiwa uiñke suwari kiwa wan na baar ka jylla wei waroh ki thaw uiñke suwari leh toh u man ki kiwa khang.
I lai na kawi ka jylla cha kawi man i iwa khang tangwa ym em khang ya ki kari wa lai luti cha Assam/Tripura/Manipur/Mizoram.
I lai na kawi ka District cha kawi kamjooh pyn hapoh ka District wa na ki thaw wa pynman Containment toh iwa khang lait noh kitu kiwa da yoh bor na u DC.
Ki thawmane u wai ki katkam ka hukum wa da pynmih ha ka 13 tarik uni u bnai. I pynkyntang bia ha ki yungmane toh u man i katkam ki kyndon wa da dep pynmih.
Ki yung krehkaam sorkar nadooh ki yong ka jylla wa ka sorkar pyrdi toh u wai deiwa em ki wakreh 50%. Ki chnat sorkar kiwa leh ya ki kaam wym hoi u dam, u krehkaam ki katkam i rai ki bor District wa katwon boon ki wakreh.
Ki Bank wa ki Post Office u krehkaam ki deiwa em 50% ki bru wakreh.
Ki yung krehkam ki thaw puræ (School/College) toh deiwa em 50% ki bru wakreh deiwa yoh bor chwa na ki DC/SDO (Civil).
Ki Park wa em da kiwa pait yei psiah ki bru da chah wow wai ki neibynta ki bru wa da dep yoh tika deiwa pyntip chwa cha ki DC/SDO (Civil).
Ki kaam wa yatoh wa ki E-Commerce toh kiwa chah katkam ki kyndon wa booh da ki DC/SDO (Civil).
I thied baam deiwa song toh iwa chah katkam wa pynbait da ki jar jiar ki DC wa ki SDO (Civil).
Heiyatoh wa ki yalehke (Sports), toh kiwa da chah deiwa bood ya ki kyndon wa pynmih da ka chnat Sports & Youth Affairs kiwa da pynmih ha ka 07-12-20. Ki jait yalehke kiwa da chah toh ki Archery, Shooting, Cycling, Athletics, Running, Golf, Lawn Tennis, Badminton, Table Tennis, Snooker, Weightlifting, Billiards, Football, Hockey, Volleyball, Basketball, Handball, Cricket wei lada em kiwon ki yakob wa pynman ym chah wow wan paitke ki paidbah wei kini waroh toh du ya kitu kiwa da dep yoh tika wa kiwa em 18 snem chaneiñ.
Heiyatoh wa ki thaw yimpa kiwa em wa pait yei psiah i mih ki paidbah kam ha ki Resort, Club Pools wa ki Public Pool; toh u yabhah yei por wei deiwa booh por chwa wow wan ki bru. Ha kini leh toh du ya kiwa da dep yoh tika wa kiwa da em 18 snem chaneiñ.
Ki Gymnasium/Yoga Institute/Fitness Centre u chah u wai ki du neibynta ki bru wa da dep yoh tika deiwa yohbor chwa na jar jiar ki DC/SDO (Civil).
Ki DC wa ya ki SDO (Civil) da e bor ya ki wow jied hadooh katwon tylli ki dukan u chah u wai ki deiwa pait yei long i man ki jar jiar ki thaw.
Ki kari kamai da chah wow mih ki 50% lane katkam i long i man i thaw wa em ki iwa daw rai da ki DC/SDO (Civil).
Ki kaam chna yung toh katkam wa chah da ki DC/SDO (Civil).
I wan ki bru wakreh kiwa da pliah hei kaam yong ki namo ki Skilled Worker neibynta ki kaam chna toh deiwa yoh bor na ki DC/SDO (Civil) iwa man leh katkam wa chah i long i man i thaw.
Ki khayi wa kiwi ki ri toh iwa chong katkam wa pynbait da ki DC.
Hawa em i yap bru, u chah wow em bru 20 ngut donhi deiwa paan bor chwa na u DC/SDO (Civil), ym chah wow em i lai paibah hawa lai tlep lane lai thang.
Ym chah wow pynman ya ki khawai bia.
Ki kaam wa chah toh kiwa yatoh wa i chait i khiah, i lai e tika, kiwa kreh ha ki kaam wym hoi u dam yong ka sorkar nadooh ki pulit, ki kaam bordiñ, Municipal, umkor wa kiwi kiwi. Ki laad pathai khubor, Petrol Pump, kiwa kit tadong LPG, ki kaam rep wa kynthup ya u kwai wa u pathai, ki kreh MGNREGA ha ki thaaiñ nongkyndong wa ki kaam psan mrad wa i pynbiang baam ya ki.
