Ha ka chithi wa da thoh da ki bru wym tipmit kawa yatoh wa i chah knieh ki suloi ki pulit ha ka 15 tarik uni u bnai deilang wa ka kari Scorpio wa pynemkaam da ki pulit ka Mawkynroh Police Sation, ha ka chithi wa da thoh cha ki Waheh Chnong ka Mawlai Town Dorbar, da ong wa ya ki suloi da noh ya ki na ka yingkieñ Umpohliew, Jaiaw Laitdom kawa em ha Jaiaw-Polo Link Road.
Kiwa thoh ya ka chithi da ong ki wa ha katai ka sngi katwa ki kam chi lok dang lai luti ki na Lawmali, da yachem ki ya ki kattu katni ki khynnah khynroo kiwa em kamwa 15-16 snem i rta wei da yoo ki wa ki rah ki ya kitæ ki suloi wei hadien wa takit ya ki da tip wa da yoh ki wow knieh ya kitai ki suloi na kti ki pulit na Mawkynroh.
Kamtæ da ong wa ki kam ki waheh da tieñ ki wa ya em wa pynemkaam bakla ya kitai ki suloi, kamtæ da knieh ya kitai ki suloi wei da noh ki ya waroh le tylli najrong ka yingkieñ.
Tangwa katni da yoo khubor kamjooh na ka chnong wa kyrpaad u pynuiñ noh ya kitai ki suloi kamtæ da phah ya kani ka chithi deiwa paan maap leh wa ym em pyrkhat bha ha itu i por deiwa noh ya kini ki suloi deiwa pyrkhat yei bha yong kitu ki khynnah deiwa tieñ leh yoh ki u pynemkaam bakla.
Neiliang kiwa kitkaam chnong leh da lai pait ki ya ini i thaw deiwa ong wa lada toh sakhiat ini wa da pyntip, ye u man wa da chah rah kini ki suloi ha ka um kawa rap heh ha katu ka sngi wa jia.
