I e tika hapoh ka jylla Meghalaya ynne ka sngi da tam i ya ka 13 lak sien (13,04,961) deiwa e 6,188 sien ynne ka sngi wa kyntup ya ki HCW 83 ngut, ki FLW 653 ngut, kiwa em 18 snem chaneiñ 3588 ngut wa kiwa em 45 snem chaneiñ 1864 ngut. Kiwa dang yoh tika ynne ka sngi leh kynthup ki ya ki 3070 ngut kiwa yoh tika yei sien wa nyngkong wa 3118 ngut kiwa yoh yei sien wa ar.
Kiwa boon dooh kiwa da dep yoh tika chisien kiwa da tam chi lak toh ha East Khasi Hills (2,92,806) wa ha West Garo Hills (1,96,304). Deiwa kheiñ da ka Percentage, kiwa da yoh tika chisien ha East Khasi Hills da em ki 52% katwa ha West Garo Hills 57%.
Da ka Percentage, kiwa boon dooh toh ha South West Garo Hills 71% wa em 67,027 ngut iwa pynbood sa ka East Jaiñtia Hills 67% kiwa em 57,781 ngut. Da em leh du kawi ka District wa em hapoh 40% katæ toh ka South Garo Hills 38% wa em 35,283 ngut kiwa da dep yoh tika chisien.
Hawa pait won ya kiwa da yoh tika la arsien ym pu em kawi leh ka District kawa da tam chi lak ngut kiwa boon dooh ha East Khasi Hills kiwa em 95,484 ngut.
Waroh kiwa da dep yoh tika chisein da em ki 10,11,081 ngut katwa kiwa da yoh la arsien da em ki 2,93,880 ngut.
I rukom e tika ha jar jiar ki District man ki kamni ha wah:
