Kiwa dang yoh COVID-19 ha India da ku syndet ki hadien wa ha ka 24 tarik da em ki du 25,467 ngut katwa ha kini ki 24 kynta da ku cha 46,164 ngut kiwa dang yoh, kiwa dang chait da em ki 34,159 ngut, kiwa dang yap 607 ngut iwa mut wa kiwa dang em ya uni u khñiang da ku ki da 11,398 ngut. Ini da pynman wa kiwa dang chah ktah da em ki 1.03% hadien wa da hiar ki cha ka 0.98%.
Kam wow pynkynmoo wa kiwa dang yoh da neh ki hapoh 50,000 ngut la 60 sngi khlem sangeh.
I daw wa ku toh wa ku syndet kiwa dang yoh ha Kerala kiwa em 31,445 ngut heiwa kiwa boon da kdaw ki wa ini da jia i du hadien wa pyndep ya ka lehkmen Onam hapoh ka jylla heiwa ha ka 24 tarik leh da em 24,296 ngut kiwa dang yoh. Ynnin u snem leh da jia i jooh heiwa ku kiwa yoh ya u khñiang khlam marsien dep pynman ya ki lehkmen Onam. Ka Positivity Rate ka jylla leh da ku cha 19,03%.
Ynnin ka sngi ki jylla wa boon wa tam da kiwa dang yoh ya kiwa chait da em ki 17 tylli kiwa boon dooh ha Kerala wa tam da kiwa dang yoh da 10,959 ngut, Maharashtra 435 ngut, Mizoram 418 ngut wa ha Andhra Pradesh 384 ngut.
Ki jylla wa boon dooh kiwa dang chah ktah toh ha Kerala (1,70,829), Maharashtra (53,695), Karnataka (19,344), Tamil Nadu (18,352), Andhra Pradesh (14,061), West Bengal (9,185), Assam (8006), Odisha (7558) wa ha Telangana (6,295).
Ki jylla wa duna dooh wa em kiwa dang chah ktah toh ha Andaman & Nicobar Islands (03), Dadra and Nagar Haveli and Daman and Diu (04), Lakshadweep (33), Chandigarh (36), Ladakh (64), Madhya Pradesh (79), Bihar (105), Rajasthan (121), Jharkhand (140), Gujarat (159), Uttarakhand (320), Uttar Pradesh (345), Delhi (389), Punjab (401), Haryana (660), Chattisgarh (627), Puducherry (760), Nagaland (871) wa ha Goa (933).
Ynnin ka sngi da leh 17,87,283 tylli ki Test heiwa kiwa chah ktah da em ki 2.58% kawa tip leh kam ka Positivity Rate kiwa da neh hapoh 3% la 31 sngi.
Heiyatoh wa i e tika hapoh ka ri, da dep wow e la 60,38,46,475 sien heiwa ynnin ka sngi da e 80,40,407 sien.
Waroh kiwa da chait da em ki 97.63% kiwa em 3,17,88,440 ngut, kiwa dang chah ktah da em ki 1.03% kiwa em 3,33,725 ngut, kiwa yap 1.34% kiwa em 4,36,365 ngut, deilang dapoi 3,25,58,530 ngut kiwa da dep yoh ya uni u khñiang hapoh ka ri.
