61 ngut ki sahep pulit da pyndep ki yei yoh sikai na ka North Eastern Police Academy (NEPA), heiwa ya ka Dikshant Parade (Passing Out Parade) ka 48th Batch Basic Course da pynman ya ka ynne ka sngi ha Parade Ground ka Academy Campus ha Umsaw, Ri-Bhoi District.
Ha kani ka 48th Basic Course da em ki 16 ngut ki Deputy Superintendents of Police kiwa na Arunachal Pradesh, 10 ngut ki Deputy Superintendents of Police kiwa na Tripura, 5 ngut ki Sub Inspector na Manipur, 10 ngut ki Sub Inspector na Sikkim wa 20 ngut ki Sub Inspectors kiwa na ka Meghalaya Home Guards & Civil Defence. Na kini ki 61 ngut, 12 ngut toh ki kynthai.
Ka e sikai toh nadooh ka Police Science, Legal Studies wa Social Science kamjooh kammon wow pynemkaam ya ki tiar yasiat, ki Search Operations, Ambush wa Counter Ambush, Raid, Seizure wa kiwi kiwi de.
Da pyndep ki leh ya ka Post Graduate Diploma ha ka “Police Administration and Investigation” na Sardar Patel University of Police, Security and Criminal Justice, Jodhpur.
Nadooh wa sdang ya ka NEPA ha u 1978 da dep ko wow pynman 47 tylli ki Basic Course wei da em 3771 ngut kiwa da dep yoh yei sikai. Deilang wa kiwa dang pyndep ynne ka sngi waroh da em 3832 ngut kiwa da pyndep ya ka Basic Course (788 ngut ki DySP wa 3044 ngut ki SI/ASI) na ka NEPA ha ki 43 snem kiwa da lai.
Ha ka Passing Out Parade ynne ka sngi da yahkhmat da u Rishi Longdo, DySP ka Arunachal Pradesh Police kam u Parade Commander. U Deepak Kumar, Director, NEPA, u sahep IPS ka A&M Cadre da wan pait u ya kani ka Parade. Da em leh ka Brass Band ka Meghalaya Home Guards & Civil Defence, NEPA Pipe Band waka NEPA Horse Contingent yow pynphooh ya kani ka Parade.
U Rishi Longdo, DySP ka Arunachal Pradesh Police da yoh u ya ka Governor of Meghalaya Sword of Honour waka NEPA Silver Medal kam u All Round Best Probationer. U Shuvam Nongrum na ka Meghalaya Home Guards & Civil Defence da yoh u ya ka Governor of Meghalaya Sword of Honour waka NEPA Silver Medal kam u All Round Best SI Cadet. U Samudra Debbarma, DySP ka Tripura Police waka Palmula Bhutia, SI ka Sikkim Policie da yoh ki ya ka Chief Minister Meghalaya Baton of Honour waka NEPA Silver Medal neibynta ka Best Indoor Probationer wa Best Indoor Cadet. U Paul Jerang, DySP ka Arunachal Pradesh Police wa u Shuvam Nongrum ka Meghalaya Home Guards & Civil Defence da yoh ki ya ka Chief Minister Arunachal Pradesh Baton of Honour wa NEPA Silver Medal for Best Outdoor Probationer & Best Outdoor Cadet. Ka Debanjali Ray ka Tripura Police wa u Kunal Mohora ka Sikkim Police da yoh ki ya ka B R Lall Academy Running Trophy wa NEPA Silver Medal. U Shuvam Nongrum ka Meghalaya Home Guards & Civil Defence da yoh u leh yei naam Best Sportsman wa ka Sengsalyne Sengatchi Ch. Marak ka Meghalaya Home Guards & Civil Defence da yoh ko ya i naam Best Sportswoman deiwa yoh leh ya ka Academy Running Trophy.
