Ka United Liberation Front of Asom (ULFA-Independent) da thoh ko cha u Montri Rangbah ka Arunachal Pradesh, u Pema Khandu wow kyntu ya oo wow e Permanent Residence Certificate (PRC) cha ki Assamese wa em ha Arunachal Pradesh.
Ha ka chithi wa thoh da u heh ka ULFA-I u Paresh Baruah, Vice Chairman da ong wa i em ki boon jait ki jaitbru da man ko ka yurim wa da pynyieñ ya kiwa boon ki ri ha kylleiñ ka pyrthai heiwa da jop ya kiwa boon ki moochynthut deiwa ya krehlang.
Da ong u leh wa ka Arunachal Pradesh toh kawa jooh leh bha, leh sbun ya ki bru wa klam Assamese ha ki snem wa da lai kiwa da man kam ki tre chong kiwa da sah hapoh Arunachal da boon boon pateiñ nadooh nachwa ka NEFA (North East Frontier Agency) 1972 wei katni da em ki hei maa wow chah beh chnong.
Da ong u leh wa da em boon ki manyung kiwa da chah kylli yei mantre chnong ki wei katni ini waroh da chong ko du deiwa em ya kawi donhi ka kot.
Kamtæ da ong u wa ki Assamese ka Arunachal Pradesh da chah pyndooh ki yei hok yong ki dei wym yoh ki ya ka PRC.
Hajrong ini da kyrpaad u ya u Montri Rangbah ka Arunachal Pradesh wym toh u e laad wa ka pateiñ kiwa boon ki Assamese u chah pynwair jait ki.
