Ynne ka sngi hadien wa mih ka khubor wa yatoh wa i cha thombor ki Khasi Pnar kiwa em ha ri Bangladesh ha ki thaw rep yong ki iwa da wanrah ya i mynsoo ya kiwa boon ngut.
Neiliang u Wyrta da booddien u ya iwa jia waroh heiwa da yoh leh ya ki pyrtuid ki bru kiwa da mynsoo ha ini i jia heiwa napyrdi kiwa mynsoo da kynthup ya ki Khasi Pnar kamjooh leh ya uwi na ka jaitbru Garo.
Katkam ka yutip wa da yoh da ong wa kiwa mynsoo ha i chah thombor ki Khasi Pnar wa kynthup leh ya uwi u Garo ha Bangladesh man ki kamni hawah:
- Risol Khonglah
- Shil Pohlong
- Raj Nongrum
- Christina Khonglah (ka khon u Raj Nongrum)
- Ujjol M Sangma
- Lovingstone Yongiang
Da ong wa kini ki bru katni em ki hapyrdi i chah sumaar ha kani ka ri.
Chooh Chooh neiliang uwi na kiwa chong chnong da ong wa ki nong Bangladesh heipor wa thombor ki ya ki Khasi Pnar da pynemkaam ki da ki dieñ, ki wait wa ki naar rod wei na ini da wanrah i ya i mynsoo ya kiwa boon hadooh kat deini iwa ymye de u poi pyrkhat.
Neiliang u Wyrta daw pyntip chooh i ya phi heiyatoh wa ini i kaam.
Puræ leh: Mynsoo kamwa 10 ngut ki Khasi Pnar wa chah thombor ha ki nong Bangladesh
