Hadien wa ka sorkar India da pynbna ko ya i thmu wow pynman ya ka jylla Meghalaya kam ka thaw wow rep ya ki dieñ satlai Palm wow pynmih phñiang baam Palm Oil, da sdang mih chiboon i pyrchah na ki bru maya rymaw wa ki seiñ neibhah wa daw ktah i ya ki khloo kiwa em ha ka jylla wa ki mrad wa im ha ki.
Hajrong ini wot neiliang ka MP ka Tura leh ha ka tayaw wa dadep da thoh ko cha u Montri Rangbahdooh ka ri, u Narendra Modi hajrong i chah ktah lada rep ya kini ki dieñ.
Hawa yaklam wa u Montri ka sorkar jylla wa pait ya ka chnat Forest and Environment, u James PK Sangma da ong u wa i sñiawkhia hajrong ini i thmu yong ka sorkar pyrdi daw ktah wei daw wanrah i yei maa ya ka rymaw.
Hawa kylli, u James da ong u wa kam u montri wa pait ya ka chnat khloo ha ka jylla daw thoh u cha u Montri Rangbahdooh ka ri wow kyrchaan ryngkat ya ka MP khnang wa ka sorkar u pyrkhat biang ko hajrong ini i thmu.
