Uwa ektien ka sorkar Meghalaya Democratic Alliance uwa man leh u montri ka sorkar jylla, u James PK Sangma da ong u wa ka sorkar wa yahkhmat da ka NPP da pdiang ko ya iwon iwon i beiñ ka Liang Pyrchah iwa pynyoo ya i duna lada man i neibynta wow tei ya ka jylla.
Ya ini da ong u James ynne hadien wa pynbaad u MP ka Shillong uwa man leh u President wa thymme ka Meghalaya Pradesh Congress Committee, u Vincent H Pala.
Hawa kylli chooh chooh hajrong ini i pynbaad u Pala ya ka sorkar wa ya ka chnat ki kaam pohyung, u MLA ka NPP uwa jooh man teiñ kam u montri ka chnat ki kaam pohyung da ong u wa ymtoh iwa suk wow pait ya ka chnat neibhah wa man ko kawa kyllaiñ wei kawa kylla neipor cheipor.
