Hadien wa jia i chah thombor ki Khasi Pnar ha ki kattu katni chnong wa em hapoh Moulvibazar District ka ri Bangladesh heiwa da mynsoo hadooh kamwa 10 ngut ki bru, neiliang ki seiñbhalang wa pawnaam ka Bangladesh da wan ki chaphrang wow beiñ ya ini i jia.
Kini ki seiñbhalang kynthup ki ya kawi na ki seiñ wa pawnaam ka Bangladesh wa kreh ya i hok ki jaitbru ri-loom, ka Bangladesh Paribesh Andolon (BAPA), ka Bangladesh Environment Lawyers Association (BELA) wa kiwi ki seiñ wa kynthup ya ka Bangladesh Adivasi Forum (BAF), Sammilito Samajik Andolon (SSA), Nijera Kori, Manusher Jonno Foundation, Bangladesh Legal Aid and Services Trust (BLAST), Association for Land Reforms and Development (ALRD), wa ka Nagorik Uddog.
Kini ki seiñ da beiñ ki yeini i chah thombor hajrong i thmu wow knieh yabor ya ki thaw rep ki Khasi Pnar kiwa da im ha kini ki thaw nei rep donhi.
Hawa yaklam wa ki kattu katni na Bangladesh da ong ki wa kini ki seiñ da kyrchaan ki ya ki Khasi Pnar hapoh Moulvibazar nadooh nachwa heiwa kini ki seiñ da ong ki leh wa ki Khasi Pnar man ki leh kam ki khon ka ri Bangladesh.
Heiyatoh wa i jia ha Bangladesh wa ki Khasi Pnar wa ki Garo daw pyntip chooh ya phi kat dang lai i por.
