U Montri Rangbah ka jylla, u Conrad K Sangma ynne da wai u ya ka Farmer’s Collectivization for Upscaling Production and Marketing Systems (FOCUS) neibynta ka Samanda Block, East Garo Hills hei emlang u Chief Whip, u Marcuise Marak.
Ka FOCUS Programme toh ka thong krehkaam ka jylla wow kreh neibynta ki warep wei wow e yarap poisa ya ki, neiliang u Conrad da ong u wa ka jylla em ko 70% ki warep na kiwa chong chnong heiwa daw yoh yarap ki na kani ka FOCUS.
Da ong u wa lyngba ka FOCUS, ka sorkar daw yarap ko wow wailad ya ki warep wow pynku ya ki kaam rep wei wow pynpoi ya ki mar rep cha ki yaw.
Chooh chooh da ong u wa ki warep deiwa leh ki samen samen chem ki chiboon i eh i khoo kamtæ da pynchlur ya i yakrehlang kam ka seiñ kiwa pynmih mar namo ka “Producers Group” wow yoh yarap na kani ka Scheme.
Da pyntip u wa uwi pa uwi u warep u yoh ki T. 5000 tangwa toh u em ki hapoh ka Producers Group kawa da wan wow pyntipmit, wei kani man ko ka poisa yarap ym toh ka ram. Ka yow yarap u pynheh ya ki kaam rep yong ki.
Da khana u leh wa ka sorkar da booh ko T. 200 klur hapoh kani ka FOCUS kawa daw pynlut ha ki snem wa daw wan.
Da batai u leh hajrong ka PRIME Hub wa kiwi ki Scheme ka sorkar wow yarap ya ki warep kammon wow pynmih ya kiwi ki jait baam na ki mar wa rep ki, i rukom song ya ki mar baam wa kiwi kiwi de.
Da pynchlur u leh ya ki kynhun warep namo ki Farmers Group wow chim ram na kiwa boon kiwa da sdang ka sorkar yow ye u seiñ sa ki karkhana chna baam.
Ha kani ka sngi da ekti u leh ya ki Cheque cha ki 35 tylli ki seiñ Producers Group na East Garo Hills.
