Da u: C. Pynsakhiat Yeini Kyndiah, Loompyrdi Iongpiah Jwai
Thiah suk uwa ap hawa joor i awri,
Ak khlot uwa ap hawa kbai ki.
Ki chkoor uwa ap wymlait liang ki,
Ki ïuser ha khyndaw lyngkdang em ki.
Dooh thiah ki wamut u pynkhai,
Thiah suk kiwa embor kiwa e rai.
Waheh i pai nang boon kiwa liat,
Ïuhe wymem wa syrdaep wymem wa peit.
Lute uwa peit siar nakdong nach’miang,
Wymem kiwa sylli cha timun tidiang.
Nangprooh nangprooh kiwa nalait,
Heh ktien hapoh yung u ang dapra dapret.
U warim wajah sepai dadep rooid,
Wiarnar u warap wow pyrkhat yow pood.
Wymtip de u khyrngiat hawa da ïoo,
Kiwa jooh yoh thiah kut ki hei yimphoo.
Du i ya khajia, chitom u wachong ha kyndian,
Da t’khan wa ki kjat wow ya kynpiam.
Piah nood u wa ood wymhoi de u chong,
Chah khloh hadooh dawiar wei tyngkong.
Hei yaam ma yaam u pli uwa tlot ,
Sah ram ka pateiñ wa em ki wakhlot.
A khlawait to mih noh kam nachwa,
Dajan psiah uwa nalait ha yung chetja.
