Ka Village Education Committee deilang wa ka Dorbar Chnong Moolamylliang da pynman ki ya ka pynkup burom kawa nyngkong ya ki khynnah puræ wei da pynlait paidbah ya ka kot “Curious Brain. Chapterwise Question Bank” kawa da thoh da u Kamphereiei Pala.
Da pynkup burom ya ki khynnah ha ka 4 tarik uni u bnai ha Moolamylliang UP School kiwa da lehbha ha ka SSLC wa HSSLC kiwa em 21 ngut heiwa u Dr. Sankey Shangpung, Chairman yong ka JHADC u da man u kam u kongsan ha kani ka yalang.
Hadien wa pynman yei pynkup burom da yoh wow pynlait leh ya ka kot yarap neibynta ki khynnah kiwa dang pynkhreh ya ka SSLC Exam ka MBOSE kawa da thoh da u Kamphereiei Pala.
Ha chwa wow pynlait paitbah, uwa thoh kot da klam u chaphang i chem yong oo iwa da pynman ya oo wow thoh wei wow pymih ya ka kot kawa da e pyrtuid ka “Curious Brain, Chapterwise Question Bank” deiwa ong wa i duna buit ha i rukom wow pyrkhreh ya ki Exam waphær waphær da ktah ko hadooh kattæ kattæ ya ki khynnah.
Ya kani ka kot ye wow yoh na ki dukan wa na Amazon wa Flipkart hei dor T. 295.
