U MLA ka HSPDP na Sohïong uwa man leh u Montri warim ka sorkar MDA, u Samlin Malngiang da soi wei da mynjur u wow kyrchaan ya i dawa ‘Ka Sur ki Nong Mawlai’ wow pynchitom ya ki heh pulit wei wow beh kreh chipor ya kiwa emkti wow siat yap ya u heh warim ka HNLC ha i step ka 13 Naisaphra.
Ki dkhot na ‘Ka Sur ki Nong Mawlai’ ynne i janmiet da lai yachem ki ya u Samlin ha yung yong oo heiwa da ekti ki ya ka chithi wow paan kyrchaan na oo hajrong ini i dawa yong ki.
Hadien ini ka dhab da dap ko dei sñiawkmen yei smat uni u MLA uwa em ha ka sorkar wow kyrchaan ya ini i dawa wow yoh i hok ya ka yung ka sem uni u heh warim ka HNLC.
Neiliang u Samlin da ong u leh wa i soi u ya kani ka chithi wa wanrah da ‘Ka Sur ki Nong Mawlai’ toh hadien wa da puræ bniah wei chem u wa i dawa toh iwa chong yurim wei emkaam wow e kyrchaan ya i dawa wow pynchitom ya ki pulit kiwa emkti ha ini i kaam.