I kynjoh ki bru ya i rta wa 100 snem man i iwa ñiaar bha u chem ha jylla kamjooh leh hapoh Ri-loom Jaiñtia tangwa ynne ka sngi ka Delphimai Shylla da yoh ko wow ah ya u Cake sngikha dap 100 snem.
Ya ka Delphimai da kha ha ka 08 Naikhynde 1921 wei chong sah ko ha Pdengshakap, Amlarem Civil Sub-Division, West Jaiñtia Hills.
Ka Men Delphimai toh kawa em 5 ngut ki khon wa kynthup ya ar ngut ki chynrang wa 3 ngut ki kynthai.
Da em ko leh 42 ngut ki ksu wei na kini da em ko la 75 ngut ki ksu miaw.
Neiliang ki ksu yong ka da ong ki wa kamwa man katni ka Men Delphimai em ko hapyrdi i doh i pran iwa khlan hawa nujor wa i rta yong ka.
Neiliang u Wyrta da ekhublei i ya ka Men Delphimai wow yoh ko ya i chait i tram ha ki por wa daw wan.
