Ka KSU da thoh ko cha u Montri Rangbah ka Meghalaya yow pynsñiaw yeiwa chah ktah nei thung dieñ Satlai iwa tip leh kam i Palm Oil Cultivation deiwa ong wa ini daw ktah bha ko ya ka rymaw heiwa daw dooh ya kiwa boon ki khloo ki kjam ka jylla.
Da ong leh wa i thung du da chi jait u dieñ uwa ymtoh uwa jooh mih cheini daw wanrah ko yei ktah ya ka um wa tooid napoh khyndaw kamjooh ki wah wa heh wa pynemkaam ki bru wow im-ja. Daw ktah leh ya ka um-dih ha ki thaw wa da duna um chwa.
Chooh chooh da ong wa kini ki jait dieñ daw ktah ki leh yei sboh i khyndaw neidaw wa kini ki dieñ toh kiwa emkaam sboh bha wei daw hap u pam ya chiboon i khloo neibynta wow thung ya kini ki dieñ.
Da kdaw leh wa ki warep ym ye ki wow pynmih ya i phñiang na uni u dieñ neidaw wa man i iwa syad wei chimpor wei hawa pynmih ya ini i phñiang da mih chiboon ki um wa jakhlia kiwa ktah ya ka rymaw.
Kamtæ ka KSU da dawa ko wa ymtoh wow pynkrehkaam ya ka National Mission on Edible Oils – Oil Palm, hapoh ka jylla deiwa kyntu ya ka sorkar wow thooh laad da kiwi ki kaam neibynta ki warep wa ki paidbah leh kamjooh.
