U Montri ka chnat i chait i khiah ka sorkar pyrdi u Mansukh Mandaviya da yaroh u ya ki 6 tylli ki jylla kiwa da ye wow e tika cha waroh kiwa da dap 18 snem kiwa em hok wow yoh yei tika yada COVID-19 deiwa pyntikna wa waroh 100% da yoh ki yei tika chisien.
Kini ki 6 tylli ki jylla/UT toh ka Dadra and Nagar Haveli and Daman and Diu, Goa, Himachal Pradesh, Ladakh, Lakshadweep wa Sikkim kiwa hadooh ynnin da ye ki wow poi cha kani ka thong kawa man leh ka sngi wa da tam 75 klur sien wa da dep e tika hapoh ka ri heiwa ynnin da e 53,38,945 sien hapoh waroh kawi ka ri.
Neiliang u Montri da e khublei u ya kini ki jylla/UT kiwa da ye wow poi cha kani ka thong wa waroh kiwa da dep 18 snem chaneiñ da ye ki wow yoh tika chisien deiwa yaroh u leh ya kitu ki wakreh ka chnat i chait i khiah wa ye ki wow leh ya ini.
I e tika ha kini ki 6 tylli ki jylla/UT man i kamni- Dadra and Nagar Haveli and Daman and Diu (6.26 lak sien), Goa (11.83 lak sien), Himachal Pradesh (55.74 lak sien), Ladakh (1.97 lak sien), Lakshadweep (53,499 sien) wa ha Sikkim (5.10 lak sien).