Ka Tamu Tourist Vehicle Association kawi na ki seiñ yong kiwa yah kari wa ki tre kari ha ka 16 tarik da yoh ki wow pynman ya ka yalang ha chnong Tamu wow pynskem ya kiwa krehkaam wa pura yong ka heiwa ya ka yalang wa tbian da pynlai da u Eborlang Myrchiang uwa man leh u President ka Tamu Tourist Vehicle Association.
U Paila Kordor hawa klam kam u kongsan ha kani ka sngi da e u yei yaroh ya kiwa krehkaam waroh wa da ye ki u pyndep ya i thmu yong ka seiñ hadooh wow dep Register ya ka Association. Chooh chooh da ong u wa emkaam wow kreh chitom wei wow burom ya kani ka kaam han lada man ko ka kaam kawa khian leh. Wei kam kiwa yah kari emkaam wow man ki wa yaichah ha ki kaam kamai deiwa burom ya kiwa chong kari yong ki neibhah kiwa yah kari toh kiwa pynpoi ya kiwa lai wa wan na i wi i thaw cha iwi tawon. Da ong u leh wa yow jop ya iwon iwon i eh wa daw ya tyngkhooh ki, emkam i yatylli kam kiwa krehkaam hi waroh.
Da yoh leh ya i klam na u J.L. Pariat, waheh chnong ka chnong Tamu uwa da kyrkhu kyrdoh ya ka Association wow man ko kawa nang lai chaphrang .
U Wil Dkhar hawa klam da kitbok kitrwiang u ya ka Association wow nang ku ki chaphrang ha ki kaam wa bha deiwa ong wa daw chem chiboon i eh tangwa emkaam u tia chaphrang khamtam hawa leh neibynta i bha i miat.
Ya ki ktien e khublei da yoh na u Handres Chen uwa man leh u Secretary yong ka Tamu Tourist Vehicle Association.
Ya kini kiwa krehkaam wa pura yong ka Tamu Tourist Vehicle Association da pynskem da u Paila Kordor Lyngkot uwa man u President yong ka All Jaintia Commercial Vehicle Association (CB).
Kiwa krehkam wa pura yong ka Association man ki kamni ha wah:
President- U Eborlang Myrchiang
Vice President- U Kyrkhulang Chen
Secretary- U Handres Chen
Asstt. Secretary- U Peinlang Laloo
Treasurer- Tobias Shadap
Wei da jied leh kamwa 15 ngut ki Executive Member.
