Jowai : Ka Office u Deputy Commissioner, West Jaiñtia Hills District hapoh ka Chief Minister’s Career Guidance and Counseling Scheme hei yakrehlang wa ka Officer’s Club, West Jaiñtia Hills District daw pynman ki ya ka Free Coaching Class næ i esikai mynkna ya kiwa thap kreh ha ki kyrdan Grade III wa Grade IV kamwa da pynbna da ka District Selection Committee (DSC), West Jaiñtia Hills District neibynta u snem 2016-17.
Kiwa kwah u yoh myntoi neini, daw pynman ya ka Admission Test ka wow pynman ha ka 10 Naikhynde 2016 ha Thomas Jones Synod College, Jowai.
Kani ka Admission Test u sdang ko nadooh 12:30 i sngi hadooh 1:30 i sngi wei ki phang kylli u man ki ka Multiple Choice. Ki mat neibynta ka Grade III toh ka subject General English, Mathematics & General Awareness, katwa ya ka Grade IV won General English & General Awareness.
Ya ki Result u pynbna ha ka 14 Naikhynde 2016 wei ka Coaching u sdang ko nadooh ka 19 Naikhynde.
Ki Coaching Class neibynta ka Grade III u man ko chi bnai wei le bnai neibynta ki Grade IV. Kiwa chah jied toh u chong class ki nadooh 9:30 i step hadooh 3:30 nohchariñ sngi.
Lada chem ya kiwon kiwon kiwa pyndap pynar ki Grade III wa Grade IV hapoh ka DSC, ye ki u chong du ya ka Entrance Test ka Grade III donhi.
Kiwa kwah u yoh myntoi na kani ye ki u thap pyrtuid ha ka kot sada deiwa pyntip yei kwah yong ki u chong ha ka Grade III namo Grade IV, chirup wa ar tylli ki dur Passport Size Photos wei wow e ya ki ha ka Planning Branch ka DC Office chwa ka 5 waje i janmiet ha ka on 8 tarik uni u bnai.
Discussion about this post