Hajrong ka yurim wow yakhun yei chah ktah ya ka imlang sahlang lyngba ki drugs. Ka Nasha Mukt Bharat Campaign “Awareness On Drug Free India” toh kawi naka thong wada wanrah wow yakhun yow pynman ya ka ri India kawa lait na kini ki jait dih.
Kamtæ kamwa ka West Jaiñtia Hills District toh kawi napyrdi ki 272 tylli ki Hot Spot District hapoh ka ri India, næ kawi na ki District wa chah ktah ha i Drugs, neiliang ki bor District ka West Jaiñtia Hills, ka chnat District Social Welfare Officer, Jowai chirup i krehlang ki NGO wa kynthup ya ka Manbha Foundation Jowai, ka Society for Urban and Rural Empowerment (SURE), Industrial & Institutional Ministry KJP Synod Mihngi Jowai, SANKER, Mihmyntdu Community & SW Association da chimkhia ki u yakrehlang deiwa pynman ya i pynsñiawthooh ya ki paidbah hajrong i Drugs.
Ynne ka sngi haka yalang pynsñiawthooh wada pynman ha District Library, Mynthong, u M.A. Challam, EAC, MCS ka West Jaiñtia Hills, hei klam wai phang da ong u wa i daw wa da pynlut por wow yaklam ya i dih Drugs toh wa pynsih i ya ki khynnah, ki khynroo, ya ka yung ka sem waka imlang sahlang.
Da ong u wa lyngba kani ka Campaign da chim ya ini kam iwa sih na iwa sih tam wei hei lai luti yong ki lyngba kani ka Nasha Mukt ha u snem wadep leh, boon ki kynhun waphær waphær wa da embynta yow yakhun wa kynthup nadooh ki Social Worker, kiwa yahkhmat niam, ki bru naka chnat i chait i khiah, ka chnat pulit wa kiwi kiwi.
Neitæ pynsñiaw haroh u i sñiawsih wa ka District da poi ko hadooh u pood wow em hei pyrtuid kam kawi na ki 272 tylli ki District hapoh ka ri wa chah ktah ha i Drugs, katwa i sñiawthooh ki bru heiyatoh wa i Drugs won dang duna bha i hapoh ka District wot ha kiwa yahkhmat chnong kamjooh.
Kamtæ da kyntu u ya waroh wow em i bahkhlieh khnang yow ye pyndooh pyndam ya kani ka thma haka imlang shalang.
Da yoh leh i klam na ki bru chemphang wa kynthup ya ka Dakapaia Bareh, Field Coordinator, SURE kawa da klam hajrong ka “Basic of drugs, cause of drugs abuse and addiction,” ka Dr. J.N. Shullai, Project Director, MCSWA kawa da klam hajrong ka phang “Ill effect of drugs abuse on family and individual health,” katwa halor ka phang “Narcotic drugs and psychotropic substance Act 1985,” da yoh i pynche na ka chnat pulit.
Haka bynta wa ar yong kani ka pynsñiawthooh paidbah da yoh i klam na u H.H. Mohrmen, Secretary SURE uwa da klam hajrong i yakrehlang wa ka Nasha Mukt Bharat Campaign, u B.D. Marak, SP, WJH wei da saam leh ya ki Certificate haroh cha ki NGO.
