Ka yung krehkaam ka Krishi Vigyan Kendra, Jaiñtia Hills da lehwarom ko ya ka “Poshan Vatika Mahabhiyan and Tree Plantation” namo ka “National Campaign on Poshan Abhiyan and Tree Plantation” ha ka 17 tarik uni u bnai ha KVK Farm, Wahiajer.
Ha ka yalang wa da pynman chwa wow thung dieñ, da yoh ya ki kyntien pdiang burom na u Dr. D. Pasweth, Senior Scientist & Head ka KVK Jaiñtia Hills.
U R. Lamare, Scientific Officer, Research Office, Jowai, West Jaiñtia Hills uwa da e u yei klam hajrong i emkaam ki mar rep kiwa pynmih chyieñ (Millets) kiwa emkaam bha wow pynmih Protein, Fibre, Vitamin wa Minerals.
U M. Kharbuli, Farm Manager, KVK Jaiñtia Hills da e u yei klam hajrong ki Nutri Garden wa i thung dieñ wei da ban u hajrong i emkaam wow sdang ya ki Nutri Garden wow pyndap ya ki baam wa emkaam wei da kyntu u leh ya ki warep wow kynthup ya ki jhoor wa em cheini kamjooh leh wa ki soh.
Da pynyoo leh ya ki kaam rep da u Farm Manager, KVK Jaintia Hills hajrong i thung dieñ chirup wa ki warep heiwa da thung leh ya ki dieñ soh ha kpær soh ka KVK.
Heijooh i por da da ekti leh ya ki chyieñ wa ki symbe cha ki warep.
Ha kani ka sngi da em hadooh 64 ngut kiwa chimbynta ha kani ka thung dieñ wa kynthup ya ki warep chynrang wa kynthai.
