U President wa thymme ka Meghalaya Pradesh Congress Committee (MPCC) uwa man leh u MP cha ka Lok Sabha na Shillong Parliamentary Constituency, u Vincent H Pala da kam u wa ka Congress daw jop boon ko ha ka Election MLA kawa daw pynman ha u snem 2023 ha ka jylla, wei ini toh i thong yong ka Party.
Hawa kylli wa lada u man u kam u Montri Rangbah lada ka Congress yoh ko wow chna sorkar ha ka jylla, u Pala da ong u wa ym bha wow ong chwa ya itæ neibhah wa ka chuki Montri Rangbah ka em ko du kawi, katwa ka Congress ka em ko boon kiwa yahkhmat kiwa biang bar ya oo, wei da pynrap u wa ka Congress ym jooh booh chwa ko ya uwon uwon u bru wow man kam u kyrtong neibynta ka chuki Montri Rangbah, wei du ka CLP ka wow jied ya uwa yahkhmat.
Neiliang u AICC Secretary In-charge Meghalaya, u Manish Chatrath leh da ong u wa ka Congress daw wan ko hei bor synchaar ha ka jylla Meghalaya, tangwa hawa yatoh wa i oor piah ka Party, da kyntait u deiwa ong wa u Dr. Mukul toh uwi na kiwa yahkhmat wa biang bha ha ki jylla ka thaaiñ Northeast wei ka Party em ko yei ya krehlang hapyrdi u Pala wa u Dr. Mukul neibynta i myntoi ki paidbah ka jylla.
