Ynne ka sngi da man ko ka sngi wow sah kynmoo ya ka jylla Nagaland heiwa ka sorkar yong ka da man kawa khlem ka liang pyrchah wei ya ini da pynbna da u Montri Rangbah ka jylla, u Neiphui Rio wei ya ka sorkar ha ka jylla u tip noh kam ka United Democratic Alliance (UDA).
Ya ini i rai da chim hadien wa da soi ya ka soskular hadien ka yalang wa man ha State Banquet Hall, ha Kohima hapyrdi ki MLA wa ki heh ki Party kam ka Nationalist Democratic Progressive Party (NDPP), the Bharatiya Janata Party (BJP) ka Naga People’s Front (NPF) wa ar ngut ki MLA samen (Independent).
Ka yung dorbar chna aiñ ka jylla kawa em 60 ngut ki MLA kynthup ki ya ki 25 MLA ka NPF, 20 ngut na ka NDPP, 12 ngut na ka BJP wa 2 ngut ki MLA samen.
Hadooh wa man katni ya kani ka sorkar daw yahkhmat da u Neiphiu Rio uwa da jooh man teiñ la le sien kam u Montri Rangbah ka jylla ha u snem 2002-07; 2007-12 wa 2012-14 wei ha kani ka kynti dang man u kam u Montri Rangbah ka jylla na ka 8 Wisu (March) 2018.
