Ynne ka sngi ka seiñ Jaiñtia Students’ Union Syndai Unit hapoh i yahkhmat u General Secretary, u Heiplanmiki Tariang hadien wa yoh yutip wa em ki baar jylla kiwa wan kreh hapoh ka chnong, neiliang ka seiñ da lai ko wow ksoh ya kini ki baar jylla wow sylli ya ki kot ki sla yong ki heiwa da chem wa kini ki bru ym em ki ya ki kot kiwa biang, kamtæ da ekti noh ko ya ki cha ki pulit ka Muktapur Outpost.
Kam chibynta wow dawa ILP wei i wym mano ka sorkar wow pynkrehkaam ya ka ILP, ka seiñ da pteiñ ko wow kynreh ya ki kot ki sla yong ki baar jylla.
Ka seiñ da kyntu ko leh ya u Contractor wa wanrah ya kini ki baar jylla wa ya waroh kiwi tawon ki Contractor wa hawa wanrah ki ya ki baar jylla emkaam wow pynbiang ki ya ki kot ki sla.
Heijooh i por da kylli ko ya ki Contractor wa neiyi i daw wym thung kreh da ki tre jylla wow kreh ya ki kaam?
Chooh chooh ka JSU Syndai Unit da khut da kyntu ko ya waroh wow khyrngiat wow yarap mar kylliang neibynta ka mynried kawa miat wa bha yong waroh lang.
