U President ka Khasi Students Union, u Lambokstarwell Marngar da ong u wa lada bakla chisien ka sngi, u khnam yong u Kiang Nangbah u siat u ya ka Secretariat, wei ka seiñ daw pynman biang ko ya ka yakhih wow dawa ya ka ILP hadien wym mano ka sorkar India.
Hawa klam ha ka yalang chong kyllaaiñ myngngor wow kyrchaan yei dawa ka Sur Ki Nong Mawlai wa da pynman da ka KSU, FKJGP wa HNYF, u Marngar da ong u wa ka seiñ ka kyrchaan pura ko ya i dawa beh kreh ya ki heh pulit, wei da ong u leh wa waroh toh u tip ki wa ileh ki khynroo da chim ki ya ka luti wow kieñ tiar, deiwa kylli leh wa kiyi wa pynbor, kiyi wa pyntyrha? Wei ka shynchaar khadar kawa em ha Secretariat toh u jubab ki ya ini.
U heh dooh yong ka KSU da kynthah u deiwa eh ya ka sorkar India neidaw wym bna ko ya ar tylli ki Resolution kawa ka sorkar jylla da mynjur ko wei kitæ man wow pynpsiah yei ktien Khasi ha ka 8th Schedule wei wow pynkrehkaam ya ka Inner Line Permit.
