U Deputy Commissioner ka East Jaiñtia Hills da pyntip paidbah u wa da chah u wai waroh ki dukan ha waroh ki chnong wa ki yaw kam ha Khliehriat East & West, Ladrymbai, Umpleng Sohkymphor, Sookilo, Semasi, Jalaphet, Wapung, Sutnga, Nongjri, Chiehruphi, Lumchnong, Rymbai, Bataw wa Umkiang nadooh ka Monday hadooh Saturday neipor 9:00 i step hadooh 6:00 janmiet.
Da chah leh wow wai ki Border Haat deiwa yohbor na u DC ka District.
Da hukum leh wa waroh ki tre dukan wa ki paidbah u sap ki ya ki Mask (3 Ply Plus Cloth Mask) næ da ki N-95, wow jngai iwi na iwi kamwa 2 Meter, ym chah ya ki paidbah wow uiñ ha ki yaw, kiwa tyngkheiñ ya ki kyndon daw chah pynchitom ki heiwa ki dukan leh daw chah khang næ daw daiñ kuna ya ki.
Da chah leh wow wai ki Skurbah (University) wa ki College Hostel, deiwa yohbor na u DC deiwa bood leh ya ki SOP wa da pynmih da ka chnat puræ puthi.
Ha ki thaw wa em wa khlaad wa heipor wa pyndep ya ka lehniam wa khaddooh ymtoh u em palat 50 ngut ki bru.
Ki bia wa i pynhiar synjat cha baar ki yungmane da chah deiwa em 1/3 ki thawchong tangwa ymtoh u em palat 100 ngut ki bru ha ki Hall wei 50 ngut ha ki yung bru heiwa ki bru toh u jngai ki 5 phut iwi na iwi wei wow bood ya ki kyndon yada COVID-19.
