Ka Executive Committee ka GHADC hadien wa pynman ko ya ka yalang ynne ka 21 tarik, da phah ko ya waroh ki wakreh yong ka wow wan kreh ki nadooh ka 22 tarik uni u bnai. Wei ya kitu ki wym wankreh ym yoh tulop ki.
Chooh chooh da ong wa ki wakreh ka GHADC toh u em ki hei thaw kreh nadooh 10:30 i step hadooh 5:00 waje i janmiet wei hap ki leh wow soi pyrtuid ha ka Attendance Register yong ka jar jiar ka chnat wa kreh ki kawa daw phah leh cha u CEM yow leh u yeiwa emkaam.
Waroh leh ki wakreh Casual wa Muster Roll toh u wan kreh ki chwa lane heipor 10:30 i step ha ki sngi wa man kreh.
Kam wow kdaw heini wa ki wakreh ka GHADC hapoh ka NGEA ynnin ka sngi da sdang ki ya ka Strike wow dam lai kreh wei ynne ka sngi ki pulit leh da wan ki wow khoh ya ki Poster wa da biah kiwa da em ya ki kyntien pynsñiaw yei dawa su tulop kamjooh wow thung kreh biang ya ki dkhot ka NGEA kiwa da chah beh kreh.
