Ka DC ka East Khasi Hills da pynmih hukum ko wow pynkylla wei wow pynkyllooid chooh chooh ya ki kyndon wow kdoh u khoom nadooh ka 26 tarik uni u bnai hapoh waroh kawi ka District.
Ya ka Night Curfew da pynkylla por cha ka 10:00 waje i miet hadooh 5:00 waje i step naka 9:00 waje miet hadooh 5:00 waje i step.
Ki dukan dai marbaam wa kiwi ki jait dukan u wai ki 6 sngi chi tayaw wei u khang ki 7:30 i miet iwa nachwa da chah hadooh 6:30 i miet.
Ki Restaurant, Café, ki dukan cha, ki Bar, ki thaw song baam, ki thaw ah sñiooh ki chynrang wa kynthai, ki Gymnasium toh u khang ki 8:00 waje i miet.
Ki thaw wa chah u chong baam, ki Park, ki thaw uiñke suwari kiwa da yoh bor na ka DC lane na ki SDO(C) ye ki wow wai ha ka sngi Bibar leh katkam ki kyndon wa da booh.
Ki Hostel neibynta ki College da chah wow wai katkam ki kyndon wa da pynmih da ka chnat Puræ Puthi wei ye wow paan bor yow wai na ka DC.
Kiwi de ki kaam wa da chah wa da pynyinsur nadooh ini wa dep u neh ki kamjooh.
